心繫台灣

02/02/09 Day 4 @ 泗水

2009-05-11T16:48:58Z

參加完婚禮後，我地往後既幾日就係會就周去既，今日既行程就係觀光同埋買手信!!

第一站就係去大舅父既車廠參觀，因為奶奶話個車廠規模好大，佢地個車隊就好似我地香港順豐咁，轉接一d遠程既單由泗水去耶加達，而且去參觀既地方只係維修部，其餘既就係門市部、零件部、銷售部等

之後就去左一間餐廳食野

食完野當然要買手信啦，而為我地服務既服務員就係老爺喇....

今晚食飯既地方好正，好有情調，一入門口就好似一個廷園咁，好大，可惜個日落，唔係仲可以影多d相

01/02/09 Day 3 @ 泗水

2009-05-11T16:24:30Z

終於到左今日啦，就係Nia既大日子，今日一早起身食完早餐就去Nia屋企，因為新郎要接新娘呀!!!

做完晒所有儀式後，就出發去教堂行禮啦!!

教堂外面既風景

到左夜晚，我地就去酒店飲喇..

係印尼飲同係香港有d唔同，佢地可能地方大，個台又大啦，又或者驚d來賓悶，個婚禮有d似去左台慶咁，d人著衫好誇張，一整晚有好多表演睇，有叫歌，跳舞，仲之就咩都有啦!

終於完啦，當然就係大合照啦!!

31/01/09 Day 2 @ 泗水

2009-04-30T11:59:48Z

朝早食完早餐之後，就到Nai屋企參觀，由屋企出門10分鐘都唔駛就到，因為大舅父佢地一家人都住係同一個區域，即係好似錦繡花園咁，入到去有少少嚇親，2個住既屋企連天台有四層，共四房三廁所，主人房仲正，有個衣帽間，都不知係幾多少女師奶夢寐以求，可惜冇影到

主人房門口有個小型瀑布，但由於新裝修所以仲未有水

參觀完後，我地就出去買d手信，之後就食晚餐

**********************************************************

係咪睇到d相好奇怪，點解係屋企食飯會有咁多人同野食，其實係印尼有錢既華僑係嫁女前一日都會搞一個自肋餐咁既活動，就請一d有特色既車仔檔返黎屋企，之後再請附近既朋友同鄰居黎免費食一餐，你只要問工人拿飛(拿幾多都得)，之後走去檔仔同比飛佢，佢就會比野你，係一張飛一樣野，因為檔口不是包一晚咁樣﹐而係食幾多計幾多，到完場時檔口就拿飛同大舅父點數，客人吃幾多份，就比幾多錢....

o個晚真係好多人，連門口拍車位都擺晒台

仲洗左隊band黎唱歌，冇記錯好似係hk$2000-3000，都幾抵!!]

活動大既11點幾就完，明天就係Nia既大婚日子!!

30/01/09 Day 1 @ 泗水

2009-04-22T12:30:45Z

今次打既遊記係印尼既泗水同Bali，leei次旅行係新年時去，點解,到而家先打呢?原因有兩個，一 : 係懶、二 : 係我下個月又去墾丁啦，如果而家唔打，我驚積積埋埋會打死我呀!!

講番今次點解會去泗水先，因為大部份既遊客去印尼旅行都會去耶加達同埋Bali島，但今次主要去既目的係參加姐夫表妹既婚禮，所以今次我地又再一之一家人去旅行啦!!!

(準備登機)

(飛往新加坡途中)

(飛機餐)

(降落新加坡)

(落機後要再搭Skytrain去T2轉機)

(搭Skytrain中)

到達新加坡時大既1點幾，因為我地要轉個班機要成3點幾，所以就有成差唔多2個時間可以周圍行，行行下就見到一個小花園，咁就順便去影下靚相，呵呵!!!

(夠鐘轉機去泗水啦!!)

(我地搭既機)

(經過差唔多2個鐘頭既時間，降落lu，由香港到泗水用左6個幾鐘，終於到啦!!)

出到機場已經見到有大舅母佢地黎接機啦，之後就返屋企食飯..

(黃飯)

(麵和印尼飯團)

(沙爹)

(雜錦配料)

(前面就係廚房)

(準備開餐啦)

食完飯後，整下行李之後就沖涼訓覺....

Holga roll 7

2009-04-19T12:27:50Z

Holga Roll 4

2009-03-27T14:33:20Z

Holga Roll 3

2009-03-27T11:53:37Z

今次d相係我返澳門做身分證時影既，而影既都係我由細去到大既地方，但有好多景都同以前好唔同啦!!!!

27/12/08 Day 3 @ 台北

2009-02-26T10:34:30Z

黎到最後一日啦!!!起身後就去我係網上面搵睇到食評好好既"排骨大王"度食早餐

(魯肉飯+排骨湯)

(牛旁天婦羅+豆干)

之後約左阿chris係復興站等，佢帶我地去左周杰倫開既餐廳度食野

去左咁多次，今次先係第一次見101

再行到去信義區，超多人，而且仲有表演睇，阿chris話逢假期都會有

差唔多5點幾，我地要返酒店準備，返到台北最後一擊，就係狂影雞雞男

影緊相時就收到阿chris電話，佢話幫我地慳d錢，提議車我地去機場，咁我當然話好啦!!台灣人真好客﹐之後7點幾就到機場啦，準備回港，結束我地3曰2夜既台北之旅!!!!!

26/12/08 Day 2 Part 2 @ 台北

2009-02-26T10:33:27Z

因為約左文欣9點係桃園等，所以8點幾去到台北車站，諗住去到就會有車，點知原來唔係好似火車咁幾分鐘開一班﹐於是睇下個時間表，要遲多幾個字先有車，冇辦法啦，唯有打比文欣約遲少少，但最後都唔係遲好多.....

去到後，文欣就帶我地去車站附近既餐廳食飯.........

(藍帶豬排套餐)

(番茄海鮮意粉)

吃飯後就回程了，因為文欣明天仲要返工

(小強鹽水雞~每次必吃)

12年了........

2009-02-20T16:29:08Z

最近在facebook找回了中學時期的初戀情人

心情複雜

想見

但......

26/12/08 Day 2 part 1 @ 台北

2009-02-19T11:05:16Z

第二日啦!!!由於尋晚太夜返，所以今日成十一點幾先起身，行出大街見到lee間"美觀園"，之前睇台灣飲食節目度介紹過，食評又幾好，所以就入去試下....

(睇下個帶子，超大，冇記錯太既hk$50....抵)

(酥炸蚵仔)

(咖喱烏冬，好彈呀!!)

食飽飽後，當然要去我每次到台北必去既地方迪化街"台北海霞城隍廟，求番個好姻緣.......

由於今次係第二次黎，唔駛再買野，而阿zann就第一次，所以佢就要由頭做起，而這間廟對香港人有特別優待，就是會送拿來放紅線的符袋，而台灣人就要比錢買...

拜拜後，就開始出發去淡水...

(到淡水當然一定食魷魚啦!!)

(peter都係我去淡水必去既地方，因為d野比香港平，而且有d貨係香港冇ka!!)

行左一陣我地就要搭車去桃園搵文欣食飯...

25/12/08 Day 2 Part 2 @ 台北

2009-02-16T12:20:39Z

第二日10:00pm起身，搭車去酒店check in，由於去到時仲未夠鐘，所以就放低d行李去搵野食.....

(魷魚羹、魯肉飯)

(蚵仔煎)

食完野仲未夠鐘，去星巴克飲杯野..

(我地間房，都幾乾淨，下次會考慮再住)

係酒店休息左一陣就出去shopping..........

(鮮竽仙招牌仙早冰)

(阿宗麵線)

(繼光香香雞)

(點解會影lee位男士呢?就係因為想見多佢幾面，所以往後既日子我地日日都光顧，可想然之佢既魅力有幾大，回港後我地稱佢為雞雞男!!!!)

食完晚飯後，就開始係西門町四周行，行行下就比我見到lee檔，我同阿zann就企左係度成2個鐘都有，因為係做慈善，所以我就買左一幅

(就係lee幅啦!!)

(連老虎同熊貓都黎睇，你就知有幾好睇!!)

(國寶級大師魏平聲)

(101大樓)

大既11:00pm突然收到chris既電話，佢話想同我地去食消夜，就約係復興站等，lee次係我地第一次見面，感覺好特別，好似識左好耐，但又好似好陌生，後來我地去左飲野，之後就車我地返酒店................

25/12/08 Day 1 Part 1 @ 台北

2009-02-11T14:04:58Z

今年係我第二年選擇係台北過聖誕，因為貪佢一d聖誕氣氛都冇，其實今次決定都好趕，因為我地成月頭先買飛，d機位差唔多都冇晒，本身係想放工即刻上機，但因為之前又買左fir演唱會，所以只好選擇尾班機過去........

(真係估唔到我地既聖誕會係機場過)

一個半鐘頭機程好快就過，就係過關時發生再一件特別事，就係我見到王力宏，佢仲係排係我後面，但醜事就發生，可能見到佢有少少興奮，我搵護照既時候，唔少心掉左幾塊女性用品落地，超搞笑!!!唔知佢見唔見到，本來諗住影佢相，但因為係禁區唔影得，諗住拿行李時偷影，但得左一陣就唔見人.......算!!!就當有緣有份喇!!!!!!!

出閘後就開始尋找我地之前book既我士司機，之後就去左一間24小時書店(麥歡樂)，lee間書店係睇到YY個blog介紹，環境唔錯，而且服務態度好，最重要係價錢平.....

(由於係凌晨時份，個肚有d咕咕聲，所以叫左一個我一直好想試但又唔知係咩黎既"五更腸旺"，好食!!!!)

食完後立刻訓覺，養足精神去繼續明天既行程!!!!!!!!!!!

Lomo~第一卷菲林

2009-02-10T12:44:35Z

(公司窗外)

(荃灣永健路)

(葵涌昌榮路)

(大埔吐露港)

(前往印尼途中)

(峇里島酒店房外景)